Nadal 2026

05–05

de decembro
de xaneiro

ou ata esgotar existencias

Agasallacomercio local,ten premio IV

Este Nadal, as túas compras na Laracha teñen premio. Por cada compra de 10 € ou máis nos comercios adheridos recibirás un rasca e gaña con vales, agasallos e experiencias.

  • 15.000 € en vales de compra
  • Premios aportados polos locais participantes
  • Experiencia cultural, turística e gastronómica

Catro pasos

Como participar

Compras no comercio da Laracha, rascas e, con ou sen premio, segues xogando.

  1. 01

    Compra no comercio local

    Fai as túas compras de Nadal nos comercios adheridos. Recoñecerás cada un polo material identificativo da campaña no escaparate.

  2. 02

    Recibe o teu rasca

    Por cada compra de 10 € ou máis, o comercio entrégache un rasca e gaña. Do 5 de decembro ao 5 de xaneiro, ou ata esgotar existencias.

  3. 03

    Rasca e gaña

    Se o teu rasca ten premio de 10 €, canxéao en calquera comercio adherido nunha compra de 20 € ou máis. Un rasca por compra: non son acumulables.

  4. 04

    Sen premio? Á furna

    Deposítao ata o 7 de xaneiro nas furnas das bibliotecas municipais de Paiosaco, Caión e Torás e entra no sorteo das tres experiencias.

Cada compra de 10 € ou máis, un rasca.

O que podes gañar

Os premios

Vales de compra

15.000€

en vales de compra

Entre os 15.000 rascas da campaña hai 1.500 premiados con 10 € cada un, para gastar de novo nos comercios adheridos en compras de 20 € ou máis. O diñeiro queda na Laracha.

Agasallos dos comercios

Premios aportados polos locais participantes

Os establecementos adheridos achegan os seus propios agasallos, que se reparten entre os rascas.

Sorteo final

Tres experiencias para rematar o Nadal

Entre todos os rascas sen premio depositados nas furnas.

  • 1º premio · Experiencia

    cultural

    Unha noite de hotel e entradas para ver El Rey León en Madrid, para dúas persoas.

  • 2º premio · Experiencia

    turística

    Dúas noites con acceso ao spa no Augusta Eco Wellness Resort de Sanxenxo, para dúas persoas.

  • 3º premio · Experiencia

    gastronómica

    Unha comida ou cea para dúas persoas.

O Concello poderá substituír calquera premio, por causa de forza maior, por outro de igual ou superior valor.

Calendario da edición IV

Datas importantes

Gárdaas na axenda. As datas sen confirmar actualizaranse cando o Concello as publique.

  1. 18nov2026

    18 nov 2026

    Fin da inscrición de comercios

    Último día (incluído) para adherirse a través do formulario desta web.

  2. 05dec2026

    05 dec 2026

    Comeza a campaña

    Os comercios adheridos empezan a entregar e canxear rascas.

  3. 05xan2027

    05 xan 2027

    Remata a campaña

    Último día para recibir e canxear rascas, ou antes se se esgotan as existencias.

  4. 07xan2027

    07 xan 2027

    Último día para a furna

    Deposita os rascas sen premio nas bibliotecas de Paiosaco, Caión e Torás.

  5. ?Por confirmar
    Data por confirmar

    Sorteo público

    O día, a hora e o lugar anunciaranse nesta web.

  6. ?Por confirmar
    Data por confirmar

    Entrega de premios

    As persoas gañadoras serán convocadas no día e hora que se publiquen nesta web.

Para comerciantes

Tes un comercio na Laracha?

Únete á campaña e fai que as compras de Nadal se queden no municipio.

Prazo de inscrición: desde o día seguinte á publicación das bases no BOP

Dúbidas e reposición de rascas

emprego@alaracha.es
  • Máis clientela no Nadal

    A campaña dirixe as compras da veciñanza cara ao comercio do municipio.

  • Difusión da campaña

    O teu comercio aparece no listado oficial e recibe o material identificativo.

  • O teu propio agasallo

    Podes achegar un premio do teu comercio para repartir entre os rascas.

Quen pode adherirse

  • Persoas autónomas e pemes (Regulamento UE 651/2014).
  • Con establecemento permanente ou licenza de taxi na Laracha.
  • Ao corrente coa AEAT, a Seguridade Social e o Concello.

Quen queda fóra

  • Venda ambulante e venda en liña.
  • Entes públicos, asociacións, fundacións e entidades sen ánimo de lucro.
  • Empresas que formen parte dun grupo empresarial.

Ten a man para o formulario

  • NIF/CIF, domicilio fiscal e datos da persoa representante.
  • Nome comercial, enderezo, móbil e correo.
  • IAE principal, data de alta e IBAN.

Adhesión de comercios

Formulario de adhesión

Prazo: o prazo de inscrición de comerciantes remata o 18 de novembro de 2026 ás 23:59.

Persoa ou empresa titular

Persoa representante

Se es autónomo/a, os teus propios datos.

Establecemento

O nome comercial e a dirección publicaranse no listado público.

Contacto e pago

Conta onde se aboarán os vales canxeados.

Agasallo do comercio

Como na edición anterior, os establecementos poden colaborar achegando un agasallo do seu local, polo valor que consideren. O agasallo será un premio máis e repartirase ao chou entre os rascas.

Declaración responsable

Ao asinala declaras que cumpres os requisitos das bases, que os datos son certos e que asumes os compromisos dos comercios adheridos.

Ver o texto completo da declaración (6 puntos)

Declaro baixo a miña responsabilidade:

  1. Que cumpro os requisitos establecidos nas bases e que os datos indicados son certos.
  2. Que dispoño de establecemento permanente ou licenza de taxi na Laracha e reúno as condicións legalmente establecidas para exercer a miña actividade, que non é venda ambulante nin en liña.
  3. Que son persoa empresaria autónoma ou represento unha pequena ou mediana empresa, conforme ao anexo I do Regulamento (UE) nº 651/2014 da Comisión, do 17 de xuño.
  4. Que estou ao corrente das obrigas coa Axencia Estatal de Administración Tributaria, coa Seguridade Social e co Concello da Laracha.
  5. Que non son un ente público, asociación, fundación nin entidade sen ánimo de lucro, nin formo parte dun grupo empresarial nos termos do artigo 42 do Código de Comercio.
  6. Que me comprometo a cumprir os compromisos do artigo 6 das bases: manter visible o material da campaña, entregar e canxear os rascas nas condicións establecidas, xustificalos nos prazos fixados e comunicar ao Concello calquera uso fraudulento.

Se non o autorizas, terás que presentar ti os certificados de estar ao corrente.

Resolvemos dúbidas

Preguntas frecuentes

  • É a campaña de Nadal do Concello da Laracha para impulsar o consumo no comercio, a hostalaría, os taxis e os demais sectores de proximidade do municipio. As compras nos comercios adheridos dan rascas con vales de compra, agasallos e a opción de gañar unha experiencia.

  • Calquera persoa maior de 18 anos que compre nos establecementos adheridos durante a campaña.

  • Por cada compra de 10 € ou máis nun comercio adherido, o establecemento entrégache un rasca. A entrega vai do 5 de decembro de 2026 ao 5 de xaneiro de 2027 (ambos incluídos), ou ata esgotar existencias.

  • En calquera comercio adherido, do 5 de decembro ao 5 de xaneiro. Cada rasca premiado vale 10 € de desconto nunha compra de 20 € ou máis. Os rascas non son acumulables: un por compra.

  • Si. Os rascas premiados non se poden usar para comprar bebidas alcohólicas de 20 graos ou máis, tabaco e similares, medicamentos con receita médica, nin loterías, apostas e xogos de azar. Se o tícket inclúe algún destes produtos, o seu importe descóntase para calcular o mínimo de 20 €.

  • Deposítao ata o 7 de xaneiro nas furnas das bibliotecas municipais de Paiosaco, Caión e Torás, no seu horario de apertura. Con todos eles farase o sorteo das experiencias cultural, turística e gastronómica.

  • É público. Extráense tres rascas por orde: o primeiro leva o 1º premio, o segundo o 2º e o terceiro o 3º. Despois extráense outros 10 como lista de reserva por se alguén renuncia. O día, a hora, o lugar e o resultado publicaranse nesta web.

  • Si. Segundo as bases, os rascas premiados considéranse unha axuda pública e, polo tanto, un incremento patrimonial para os efectos do IRPF das persoas beneficiarias.

  • Os comercios adheridos comprométense a aceptar os rascas premiados nas condicións das bases. Se detectan un uso fraudulento, deben explicarche o motivo e comunicalo ao Concello. Se tes calquera problema, contacta co Concello da Laracha.

Edición IV · 2026/27

Bases da campaña

Consulta as bases reguladoras e a convocatoria completas. O texto asinado polo Concello é o único con validez legal.